"Манчестер Сити" бош мураббийи Пеп Гвардиола жамоанинг ўзи бошчилигидаги энг ёмон ўйинини эслади.
Испаниялик мутахассис ўтган йилнинг январь ойида бўлиб ўтган "Саутгемптон"га қарши Лига кубоги чорак финал учрашувига тўхталиб ўтди.
“Шаҳарликлар” ўшанда 0:2 ҳисобида мағлуб бўлганди, бор-йўғи етти марта дарвозага зарба йўллади ва 72% тўпга эгалик қилган ҳолда умуман нишонга аниқ зарба бермади.
"Менимча, эсимда қолган энг ёмони ўтган мавсумда “Саутгемптон”га қарши Лига кубоги ўйинида 0:2 ҳисобида мағлуб бўлганимиз эди.
Бу "Манчестер Сити"нинг саккиз йиллик фаолиятимдаги энг ёмон ўйини бўлди", - дея Гвардиоланинг сўзларидан иқтибос келтиради City Xtra.
