"Хетафе" ҳужумчи Мейсон Гринвуднинг келажаги борасида ўз позициясини ишлаб чиқди. Журналист Экрем Конурнинг ёзишича, испан клуби 22 ёшли англияликни ўз сафида сақлаб қолмоқчи.
"Хетафе" Гринвуднинг жорий мавсумдаги ютуқларидан ҳайратда. Шу билан бирга, Гринвудга Ла Лиганинг юқори мақомга эга клублари - "Атлетико Мадрид" ва "Барселона" қизиқиш билдираётгани қайд этилган. Маълумки, Мейсон Гринвудга бўлган ҳуқуқ "Манчестер Юнайтед"га тегишли.
2023/2024 йилги мавсумда ҳужумчи "Хетафе" таркибида 28 та ўйин ўтказиб, 8 та гол урди ва 5 та голли узатмани амалга оширди.
