"Бетис"нинг етакчи футболчиларидан бири Иско Испания чемпионатининг 30-тури доирасидаги "Жирона" билан сафар учрашувидан (2:3) сўнг журналистлар билан суҳбатлашди.
"Мағлубиятга учраганимиз жуда ачинарли. Менимча, жамоа ажойиб ўйин кўрсатди. Ўйин осон бўлмаслигини тушундик. Ҳозир "Бетис" ёмон динамикада, биз яқин орада ҳаммасини тузатишимиз керак", - деди Иско Marca билан суҳбатда.
Кечаги мағлубиятдан кейин "Бетис" 42 очко билан Испания чемпионати турнир жадвалида 7-ўринда бормоқда.
Жорий мавсумда Иско 24 та ўйин ўтказиб, 6 та гол урди ва 3 та голли узатмани амалга оширди.
