"Бёрнли" билан омадсиз ўйиндан сўнг "Челси" клубининг бир қанча футболчилари жамоа бош мураббийи Маурисио Почеттинони истеъфога чиқариш илтимоси билан клуб раҳбариятига мурожаат қилишди.
Футболчилар кейинги мавсумда клубга янги мураббий келишини исташмоқда. Бу ҳақда HITC нашри хабар бермоқда.
Эслатиб ўтамиз, "Челси" – "Бёрнли" учрашуви ўтган ҳафта охирида бўлиб ўтган ва 2:2 ҳисобида дуранг натижа билан якунланганди. Ҳозирда "кўклар" Англия Премьер-лигаси турнир жадвалида 11-ўринни эгаллаб турибди.
АПЛнинг навбатдаги турида лондонликлар "Манчестер Юнайтед" билан учрашади.
