"Ювентус" жорий А Серияда ҳужум қилиш борасида қийинчиликларга дуч келмоқда.
Туринликлар Италия чемпионатидаги сўнгги 9 ўйиндан фақат биттасида ғалаба қозона олган. "Лацио" билан сўнгги учрашувда Массимилиано Аллегри шогирдлари минимал ҳисобда мағлуб бўлганди. 30 турдан сўнг "Ювентус" атиги 44 та гол урди, La Gazette Dello Sport қайд этганидек, бу 1998/99 йилги мавсумдан кейинги энг ёмон шахсий натижадир.
“Ювентус” 59 очко билан турнир жадвалида учинчи ўринда, иккинчи ўриндаги “Милан”дан 6 очко ортда қолмоқда. Кейинги турда (7 апрель) “кекса синора” ўз уйида “Фиорентина”ни қабул қилади.
