"Палмейрас"нинг 16 ёшли вингери Эстевао Виллиан Франция ёки Англия чемпионатига ўтиши мумкин.
"Барселона" узоқ вақтдан бери Мессиньони кузатиб келмоқда, бироқ молиявий қийинчиликлар Каталония клубининг ўсиб бораётган юлдузни ўзига жалб қилишига тўсқинлик қилиши мумкин - шартнома футболчига бўлган талабни ҳисобга олган ҳолда жиддий сармояларни талаб қилади. Инсайдер Фабрицио Романога маълум бўлишича, "ПСЖ" ва Лондоннинг "Челси" клублари бразилиялик футболчини "кўк-анорранглилар"дан тортиб олишга тайёр.
Transfermarkt порталига кўра, Эстевао Виллианнинг трансфер қиймати 10 миллион еврони ташкил қилади. Футболчининг "Палмейрас" билан амалдаги шартномаси 2026 йилнинг ўрталарига қадар мўлжалланган.
