Италиянинг "Рома" клуби "ПСЖ" ҳужумчисига кўз тикмоқда.
Гап январь ойида Франкфуртнинг "Айнтрахт" клубига ижара асосида ўтган Уго Экитика ҳақида кетмоқда.
Журналист Николо Скиранинг хабарига кўра, римликлар ёзги трансфер ойнасида Экитикени таклиф қилишни кўриб чиқмоқда. Франкфуртнинг "Айнтрахт" клуби Бундеслиганинг саккизта учрашувида атиги битта голли узатмани амалга оширган ҳужумчини сотиб олиши даргумон.
Аввалроқ "бургутлар" мураббийлар штаби футболчининг жисмоний ҳолати ёмонлигидан шикоят қилганди. Ёзда футболчи катта эҳтимол билан "ПСЖ"га қайтади, аммо парижликлар жамоаси кейинги мавсумда Угони жамоада олиб қолмоқчи эмас.
