Кеча — 1 апрель куни Биринчи лиганинг 12 та жамоаси Ўзбекистон кубогининг саралаш ўйинларида иштирок этди. Эндиги навбат Биринчи лига мусобақасига этиб келди.

Жорий мавсум Биринчи лигада 26 та жамоа иштирок этади ва улар мамлакат географиясидан келиб чиқиб, икки минтақага ажратиб олинади. Шарқий минтақани водий ва Тошкент жамоалари тўлдирди. Сирдарёдан бошлаб жанубий ва ғарбий сарҳадлар жамоалари иккинчи минтақадан жой олган.

Ҳар икки минтақа жамоалари уй-сафар тизимида умумий ҳисобда 24 тадан ўйин ўтказади. Якунда энг кучли тўрттадан умумий 8 та жамоа плей-офф босқичига йўл олади. Марказлашган тартибда ўтказиладиган плей-офф орқали мусобақа ғолиби номига ойдинлик киритилади.

Биринчи лиганинг янги мавсумига эртага — 3 апрель куни қуръа ташланади.