Каталониянинг “Барселона” клуби собиқ ҳужумчиси Боян Кркич “Манчестер Сити” ҳужумчиси Эрлинг Холанднинг Испанийяга ўтиши мумкинлиги ҳақида гапирди.
"Холанд "Барселона"га ўтадими? Жамоа аста-секин тикланиб бормоқда ва тез орада "Камп Ноу"га қайтади. Янги инвесторлар пайдо бўлади, ҳаммаси ўзгаради", - дейди Кркич.
Холанд ҳамон Англия Премьер-лигасининг ушбу мавсумида 18 та гол билан энг яхши тўпурар бўлиб турибди. Ҳозирда "Барселона" молиявий муаммоларни бошдан кечирмоқда, шу боис клуб 23 ёшли норвегияликнинг қиммат трансферини кўтара олмайди.