"Арсенал" бош мураббийи Микель Артета мавсумнинг якуний қисми ҳақида гапирди.
"Канонирлар" Премьер-лига чемпионлиги учун курашаётгани маълум ва тез орада Чемпионлар лигаси чорак финалида "Бавария"га қарши баҳс олиб боради.
"Мен жуда ҳаяжондаман. Олдинда лигадаги тўққизта ўйин бор, бу жуда кўп. Биз ҳар бир лаҳзадан завқланамиз ва ҳар бир ўйинга пухта тайёргарлик кўрамиз.
Биз ҳар куни иштиёқ ва қувонч билан ишлаймиз. Диққатни сақлаб қолиш муҳимдир. Мен энергияга тўламан ва бу мавсумнинг энг ажойиб қисмилигини биламан", деди Артета сешанба куни бўлиб ўтган матбуот анжуманида журналистларга.
