Лондоннинг "Арсенал" клуби ёз учун асосий трансфер мақсадини танлади. Football Transfers хабарига кўра, "канонирлар" раҳбарияти Германия ва "Бавария" ярим ҳимоячиси Жошуа Киммихни ўз сафига қўшиб олмоқчи.

Ярим ҳимоячининг немис гранди билан амалдаги меҳнат шартномаси 2025 йилнинг ёзида якунига етади. Янги шартнома бўйича музокаралар муваффақиятсиз тугади. "Арсенал" бундан унумли фойдаланиб, футболчини ёзда сотиб олмоқчи.

Жошуанинг бозор қиймати 60 миллион еврога баҳоланмоқда. Киммих Бундеслиганинг жорий мавсумида 21 та ўйин ўтказди. 29 ёшли ярим ҳимоячида битта гол ва бешта голли узатма бор.