"Арсенал" бош мураббийи Микель Артета 17 ёшли ҳужумкор ярим ҳимоячи Этан Нванерининг имкониятларини баҳолади. Ёш иқтидор соҳиби ўтган мавсумда 15 ёшида “канонирлар” сафида дебют қилганди.
“Этан асосий жамоага жуда яқин. Имконият бор ва энди у бундан фойдаланиши керак. У ўзининг илк профессионал шартномасини имзолаганидан жуда хурсанд бўлдим. Ўша пайтда мен ҳақиқий ғурурни ҳис қилдим, чунки Нванери академия битирувчиси", деди Артета матбуот анжуманида.
Англия ёшлар чемпионатида Нванери жорий мавсумда 9 та ўйин ўтказиб, 7 та гол ва 2 та голли узатмани амалга оширди.
