"Arsenal" bosh murabbiyi Mikel Arteta 17 yoshli hujumkor yarim himoyachi Etan Nvanerining imkoniyatlarini baholadi. Yosh iqtidor sohibi o‘tgan mavsumda 15 yoshida “kanonirlar” safida debyut qilgandi.
“Etan asosiy jamoaga juda yaqin. Imkoniyat bor va endi u bundan foydalanishi kerak. U o‘zining ilk professional shartnomasini imzolaganidan juda xursand bo‘ldim. O‘sha paytda men haqiqiy g‘ururni his qildim, chunki Nvaneri akademiya bitiruvchisi", dedi Arteta matbuot anjumanida.
Angliya yoshlar chempionatida Nvaneri joriy mavsumda 9 ta o‘yin o‘tkazib, 7 ta gol va 2 ta golli uzatmani amalga oshirdi.
