"Арсенал" бош мураббийи Микель Артета Лондон клуби билан шартномасини узайтириш борасида бирор хабар борми деган саволга жавоб берди.

"Йўқ, ҳеч қандай янгилик йўқ. Лекин мен бу ерда жуда бахтлиман. Яна бир йил шартномам бор, бу футболда узоқ вақт. Футболчилар хурсанд, клуб бахтли, ҳеч қандай муаммо йўқ. Мен бор эътиборимни фақат ўйинларга ва ғалабага қаратганман, бу ҳозир энг муҳими", - дейди Артета.

Артета 2019 йилдан бери "Арсенал"ни бошқариб келади. Англия Премьер-лигасининг 2023/2024-йилги мавсуми 29-туридан кейин “канонирлар” пешқадам “Ливерпул”дан икки очко ортда қолган ҳолда турнир жадвалида иккинчи ўринда бормоқда.