"Хетафе" - "Севилья" ўйинидан сўнг "Колисеум Альфонсо Перес" стадионининг бир қисми учта ўйинга ёпилди, бу вақтда трибуналардан ирқчиликка асосланган ҳақоратлар эшитилди. Бу ҳақда Marca нашри хабар бермоқда.
Манбага кўра, Испания Қироллик футбол федерацияси (RFEF) қўмитаси "Хетафе" – "Севилья" учрашувида юз берган воқеалардан сўнг стадионни 3 та ўйинга қисман ёпиш ва 27 000 евро миқдорида жарима солишга қарор қилган.
"Санкцияланган ўйинлар вақтида ёпиқ майдон зўравонлик, ирқчилик, ксенофобия ва муросасиз ҳаракатлар қораланиши ва адолатли футболни қўллаб-қувватлаши керак", - деди RFEF матбуот хизмати.
Эслатиб ўтамиз, 30 март куни Ла Лиганинг 30-тури доирасида "Хетафе" - "Севилья" учрашуви бўлиб ўтди. Учрашув бош ҳаками 68-дақиқада трибунадан ҳимоячи Маркос Акуньяга нисбатан ирқчи гаплар айтилгани учун ўйинни тўхтатди. Учрашув "Севилья"нинг 1:0 ҳисобидаги ғалабаси билан якунланди.
