"Ньюкасл" ёзги трансфер ойнасида Бруно Гимараэс билан хайрлашиши мумкин. The Sun нашрининг ёзишича, "магпи"лар молиявий фейр-плей муаммолари жамоа етакчисини сотишга мажбур қилишидан қўрқишади.
Гимараэс мавсумнинг биринчи ярмида янги шартнома имзолади, унинг трансфер нархи 100 миллион қилиб белгиланган. Манбага кўра, Бруно учун курашда Франциянинг “ПСЖ” жамоаси етакчилик қилмоқда.
Бразилиялик футболчига "Манчестер Юнайтед" ва Лондоннинг "Арсенал" клублари ҳам даъво қилмоқдалар. 26 ёшли ярим ҳимоячи Англия Премьер-лигасининг жорий мавсумида 3 та гол урди ва 5 та голли узатмани амалга оширди.
