"Ренн" бош мураббийи Жулиен Стефан "ПСЖ" вингери Усмон Дембеленинг ўйинига юқори баҳо берди. Кеча, 3 апрель куни "ПСЖ" Франция кубоги ярим финалида "Ренн"ни қабул қилиб, 1:0 ҳисобида ғалаба қозонди.
"Одамлар менга Усмон ҳақида савол беришса, доим унинг заиф томонлари ҳақида сўрашади. Мен ҳар доим унинг кучли томонлари ҳақида гапириб жавоб бераман. Менимча, у ажойиб футболчи. Агар у кўпроқ гол урганида, эҳтимол у аллақачон "Олтин тўп"ни қўлга киритган бўларди", - дея франциялик мутахассиснинг сўзларини келтиради GFFN.
Эслатиб ўтамиз, жорий мавсумда Усмон Дембеле барча турнирларда 34 та ўйин ўтказиб, битта гол урган.
