Испаниянинг "Реал" клуби раҳбарияти ҳужумчи Винисиус Жуниор билан шартномани узайтириш ҳақида ўйламоқда. Бу ҳақда Sport.es хабар бермоқда.
Мадрид клуби футболчининг маошини оширган ҳолда шартномани 2029 йилгача узайтирмоқчи. Манбага кўра, "Лос Бланкос" раҳбарияти бразилиялик футболчини жуда қадрлайди ва унга Мадрид клубига келаси ёзда келиши кутилаётган ҳужумчи Килиан Мбаппе оладиган маошга тенг миқдорда маош бериш ниятида.
Эслатиб ўтамиз, жорий мавсумда Винисиус барча турнирлар доирасида 28 та ўйинда иштирок этиб, 18 та гол ва 8 та голли узатмани амалга оширган.
