Ispaniyaning "Real" klubi rahbariyati hujumchi Vinisius Junior bilan shartnomani uzaytirish haqida o‘ylamoqda. Bu haqda Sport.es xabar bermoqda.

Madrid klubi futbolchining maoshini oshirgan holda shartnomani 2029 yilgacha uzaytirmoqchi. Manbaga ko‘ra, "Los Blankos" rahbariyati braziliyalik futbolchini juda qadrlaydi va unga Madrid klubiga kelasi yozda kelishi kutilayotgan hujumchi Kilian Mbappe oladigan maoshga teng miqdorda maosh berish niyatida.

Eslatib o‘tamiz, joriy mavsumda Vinisius barcha turnirlar doirasida 28 ta o‘yinda ishtirok etib, 18 ta gol va 8 ta golli uzatmani amalga oshirgan.