"Бавария" ҳимоячиси Нуссер Мазрауи ёзги трансфер ойнасида клубини ўзгартириши мумкин. Бу ҳақда Bayern & Germany хабар берди.
Манба берган хабарга кўра, немис гранди бу ўрин учун ўйинчилар сони кўп бўлгани учун энди ўнг латерал билан ҳисоблашмаяпти.
Мазрауининг ўзи бошқа жамоага ўтишга қарши эмас. Аввалроқ, матбуотда Туриннинг "Ювентус" клуби Нуссерга қизиқиш билдираётгани ҳақида хабарлар пайдо бўлганди.
Ҳимоячининг трансфер қиймати 30 миллион еврога баҳоланмоқда. Бундеслиганинг жорий мавсумида Нуссер 15 та ўйин ўтказиб, 3 та голли узатмани амалга оширди.
