Испания ва Мадриднинг “Реал” клуби собиқ футболчиси Фернандо Йерро Саудия Арабистонида иш топиши мумкин. Бу ҳақда Marca нашри хабар бермоқда. Манбага кўра, испаниялик собиқ футболчи "Ан-Наср" клуби спорт директори бўлиши мумкин.
Фернандога таклиф ташаббускори жамоанинг асосий юлдузи Криштиану Роналду ҳисобланади. 39 ёшли португалияликнинг фикрича, Йерро “Ан-Наср”ни юқори босқичга олиб чиқа олади. Ҳозирда функционер худди шундай лавозимда "Гвадалахара"да ишлайди.
Саудия Арабистони чемпионатининг 26-туридан сўнг “Ан-Наср” 62 очко жамғарди. Жамоа турнир жадвалида пешқадам “Ал-Ҳилол”дан 12 очко ортда қолиб, иккинчи ўринда бормоқда.
