"Арсенал" бош мураббийи Микель Артета ҳужумчи Букайо Саканинг формаси ҳақида фикр билдирди. Журналистлар испаниялик мутахассис 22 ёшли англиялик футболчининг мавсум охиригача ҳолдан тойишидан қўрқадими, деган саволни беришди.

“Мен Сака ҳақида жуда ижобий фикрдаман. Аксинча, у мавсумнинг қолган қисмида асосий рол ўйнайди деб ўйлайман. У билан суҳбатдан мен у ҳал қилувчи баҳсларни интиқлик билан кутаётганини англадим.

Букайо яхшиланди. Футболчининг бироз секинлашиши нормал ҳолат. Сака сўнгги икки-уч йил ичида кўп нарсаларни бошдан кечирди. Қаранг, у ҳозир қанчалик яхши ишлаяпти", деди Артета матбуот анжуманида.