"Ливерпуль" бош мураббийи Юрген Клопп Англия чемпионатининг 31-тури доирасида "Шеффилд Юнайтед"га қарши ўйинда жамоа ҳужумчиси Дарвин Нуньеснинг голини эътироф этди. Учрашув 3:1 ҳисобида “қизиллар”нинг ғалабаси билан якунланди.
“Дарвиннинг голи футбол тарихидаги энг севимли голларимдан бири. Мен Нуньесдан доимо рақибга босим қилишни сўрайман. У буни уддасидан чиқди", - дея германиялик мураббийнинг сўзларини келтиради клуб матбуот хизмати.
АПЛнинг жорий мавсумида 24 ёшли уругвайлик футболчи 28 та ўйин ўтказиб, 11 та гол урди ва 7 та голли узатмани амалга оширди.
