"Манчестер Юнайтед" бош мураббийи Эрик тен Хаг пайшанба куни АПЛ доирасидаги "Челси"дан учралган мағлубият сабабини айтди.
Нидерландияликнинг сўзларига кўра, “қизил иблислар” индивидуал хатолар туфайли ғалабани қўлдан бой берган. Хабарингиз бор, “Манчестер Юнайтед” иккинчи бўлимнинг қўшиб берилган вақтида “Стемфорд Бриж”да 3:2 ҳисобида олдинда бора туриб, аммо якунда 3:4 ҳисобида мағлуб бўлганди.
“Менга жамоамнинг ўйини ёқди, бу фантастик эди. Биз тўпда устунлик қилдик, рақиб устидан устунлик қилдик. Лекин биз ўйин учун қимматга тушадиган баъзи хатоларга йўл қўйдик", - дея тен Хагнинг сўзларини келтиради журналист Фабрицио Романо ижтимоий тармоқда.
