"Manchester Yunayted" bosh murabbiyi Erik ten Xag payshanba kuni APL doirasidagi "Chelsi"dan uchralgan mag‘lubiyat sababini aytdi.

Niderlandiyalikning so‘zlariga ko‘ra, “qizil iblislar” individual xatolar tufayli g‘alabani qo‘ldan boy bergan. Xabaringiz bor, “Manchester Yunayted” ikkinchi bo‘limning qo‘shib berilgan vaqtida “Stemford Brij”da 3:2 hisobida oldinda bora turib, ammo yakunda 3:4 hisobida mag‘lub bo‘lgandi.

“Menga jamoamning o‘yini yoqdi, bu fantastik edi. Biz to‘pda ustunlik qildik, raqib ustidan ustunlik qildik. Lekin biz o‘yin uchun qimmatga tushadigan ba’zi xatolarga yo‘l qo‘ydik", - deya ten Xagning so‘zlarini keltiradi jurnalist Fabrisio Romano ijtimoiy tarmoqda.