Февраль ойи ўрталарида "Ливерпуль" футболчиси Трент Александер-Арнольд Премьер-лига тарихида ҳимоячилар орасида энг кўп ассистентлик қилган футболчига айланди. Ўшанда "Бёрнли"га қарши ўйинда Трент голли узатмаларда жамоадоши Эндрю Робертсондан устун келганди. Ўшандан бери Александр-Арнольд Премьер-лигада ўйнамади, чунки, жароҳат олганди.

Аммо Робертсон бу вақт ичида иккита голли узатмани амалга оширди ва ҳимоячилар орасида Премьер-лига рекордчиси мақомини тиклади. Ҳозирда шотландиялик футболчи 59 та голли узатмага эга, Трентда эса 58 та голли узатма бор. Жанг давом этади, чунки, иккала футболчи ҳам биринчи навбатда жамоанинг натижаларига эътибор қаратган.

Эслатиб ўтамиз, пайшанба оқшомида "Ливерпуль" "Шеффилд Юнайтед"ни 3:1 ҳисобида мағлуб этганида Робетсон ўзининг Премьер-лигадаги 59-ассистентини амалга оширди.