Германия терма жамоаси бош мураббийи Юлиан Нагельсманн фаолиятини Англияда давом эттириши мумкин.

Журналист Пит Холлнинг ёзишича, германиялик мутахассис "Манчестер Юнайтед" раҳбарияти томонидан клубни тарк этиши мумкин бўлган Эрик тен Хаг ўрнига потенциал номзод сифатида қаралмоқда.

Қайд этилишича, тен Хаг келаси мавсумда катта эҳтимол билан “Манчестер Юнайтед”ни бошқаришда давом этади, бироқ келажакда ишдан бўшатилиши мумкин. Бу ҳолатда Нагельсманн клубга келиши мумкин. Мутахассиснинг Германия футбол федерацияси билан шартномаси Евро-2024 дан кейин тугайди.

Нагельсманн аввалроқ “РБ Лейпциг” ва “Бавария”да ишлаган.