Мадриднинг "Реал" клуби "Лилль" марказий ҳимоячиси Лени Йоронинг истиқболларини жуда юқори баҳолайди.
"Қироллик клуби" раҳбарияти 18 ёшли футболчининг иқтидоридан ҳайратда. Ла Лига гранди келаси ёзда франциялик футболчини қўлга киритиш учун барча имкониятларни ишга солмоқда, дея хабар беради журналист Хосе Феликс Диас. Қайд этилишича, Мадриднинг “Реал” клуби Йорони яқин ўн йил давомида ҳимоя марказидаги ўринни ёпа оладиган футболчи деб ҳисобламоқда.
Аввалроқ, Лени Йоронинг ўзи "ПСЖ" ва Англия Премьер-лигаси гигантлари қизиқиш билдираётганига қарамай, "Реал"га ўтишни афзал кўраётгани ҳақида маълумотлар пайдо бўлганди.
