"Манчестер Сити" бош мураббийи Пеп Гвардиола "шаҳарликлар"нинг ҳужумкор футболчиси Филипп Фоденнинг Англия чемпионатининг жорий мавсумида кўрсатган юқори ўйинини қайд этди.

"Ўйлашимча, Фоден Премьер-лиганинг энг яхши футболчиси совринига жиддий даъвогар бўлиши мумкин.

Кўпчилик, кўплаб футболчилар мавсумни яхши ўтказмоқда. Лекин ўйлайманки, у албатта даъвогарга айлана олади – кўп сонли самарали ҳаракатлари, изчиллиги ва ўйинининг савияси туфайли”, — дея Гвардиола сўзларини келтиради журналист Фабрицио Романо.

Эслатиб ўтамиз, жорий мавсумда Фоден барча турнирларда 44 та ўйинда қатнашиб, 21 та гол ва 10 та голли узатмани амалга оширган.