"Лилль" ҳужумчиси Жонатан Дэвид Англия Премьер-лигасининг гигантларидан бири сафига қўшилиши мумкин.
Канадалик футболчининг амалдаги шартномаси келаси йили тугайди, бу эса "Лилль"ни келаётган ёзда уни сотишга мажбур қилиши мумкин. 24 ёшли футболчининг ўзи жорий мавсум якунлангач, клубини ўзгартириш ниятида. Инсайдер Николо Скиранинг сўзларига кўра, Англиянинг бир қанча номлари ошкор этилмаган топ-клублари "итлар" билан шартномасини узайтирмасликка қарор қилган Дэвид билан шартнома имзолашдан манфаатдор.
Жонатан Дэвид ушбу мавсумда барча мусобақаларда 38 та ўйинда майдонга тушиб, “Лилль” жамоаси сафида 22 та гол урди ва 7 та голли узатмани амалга оширди. Transfermarkt портали форварднинг нархини 50 миллион еврога баҳоламоқда.