"Барселона"нинг ўнг қанот ҳимоячиси Жоау Канселунинг агенти Жорже Мендеш айни дамда мижозининг трансферини тартибга солишга ҳаракат қилмоқда.
Эслатиб ўтамиз, португалиялик футболчининг ҳуқуқлари "Манчестер Сити"га тегишли ва айни пайтда ижара асосида "кўк-анорранглилар" сафида ўйнамоқда, бироқ футболчи трансфери доимий амалга оширилишини истамоқда.
Mundo Deportivo нашрининг хабарига кўра, Мендеш "Манчестер Сити" билан музокаралар олиб бормоқда ва "шаҳарликлар"ни муросага кўндирмоқчи.
"Барселона" 29 ёшли Жоау учун 30 миллион евро беришга тайёр, инглиз жамоаси эса кўпроқ маблағ хоҳламоқда. Канселуга турли клублар қизиқиш билдирмоқда, аммо футболчи "Барселона"да қолишни истамоқда.
