Лондоннинг “Арсенал” клуби ҳужумчиси Кай Хаверц ЕЧЛ чорак финалида “Бавария”га қарши ўйинлардан олдинги умидлари билан ўртоқлашди.
"Мен ҳатто "Бавария"нинг мавсуми улар ўйлаганидек ёмон бўлади деб ўйламайман. Тахминан бир ой олдин клуб "Байер"дан атиги икки очкога ортда қолаётганди.
Албатта, энди орадаги фарқ бироз кенгайди, аммо ишонаманки, “Бавария” энди бутун эътиборини Чемпионлар лигасига қаратади.
Бу жуда яхши мураббийга эга ажойиб жамоа. Шу боис ўйлайманки, бу биз учун жуда ва жуда қийин ўйин бўлади. Биз жанг қилишга тайёрмиз ва ярим финалга чиқиш учун қўлимиздан келганини қиламиз", — деди Хаверц Скй Спорт Германй нашрига.
