“Бавария” бош мураббийи Томас Тухель Германия чемпионатининг 28-турида “Хайденхайм”дан учралган мағлубиятга қарамай, яқин орада истеъфога чиқарилмайди.

Эслатиб ўтамиз, мюнхенликлар биринчи бўлимдан сўнг 2:0 ҳисобида олдинда бораётган бўлса-да, иккинчи бўлимда ўз дарвозасидан учта тўп ўтказиб юборди ва мағлубиятга учради. Чемпионат якунланишига 6 тур қолганида “Бавария” ва етакчи “Байер” ўртасидаги фарқ 16 очкони ташкил этади.

"Бавария" спорт директори Кристоф Фройнднинг сўзларига кўра, Тухель ушбу мағлубиятдан сўнг ўз лавозимини тарк этмайди ва Лондоннинг "Арсенал" жамоаси билан икки ўйинлик қарама-қаршиликда жамоани Чемпионлар лигасида бошқаради.

Бу ҳақда Bayern & Germany хабар бермоқда.