Херардо Мартино Лионель Мессининг "Колорадо Рэпидс" билан ўйинда (2:2) урган голи ҳақида гапирди.
"Лео учун ўз жамоаси ва шерикларини бошқариш одатий ҳолдир ва энг муҳими, у ўзини доим қулай ҳис қилади.
Бу Монтеррейдаги [КОНКАКАФ Чемпионлар Кубоги] жавоб учрашуви олдидан бизга ишонч бағишлайди.
У бор-йўғи 45 дақиқа ўйнади ва бўлажак ўйинда бизни нима кутаётганини тушунамиз. Асосийси, у жароҳатдан қайтди, ўзини яхши ҳис қилмоқда, гол урди ва иккинчи голда иштирок этди", — деди “Интер Майами” бош мураббийи.
