"Манчестер Юнайтед" бош мураббийи Эрик тен Хаг жамоанинг ҳужумкор ярим ҳимоячиси Антони ўйинига баҳо берди.
"Мен Антони "Челси"га қарши ўйнагандек ўйнай олишини биламан. У буни "Аякс"да кўп марта қилган. Буни "Манчестер Юнайтед" билан дастлабки ўйинларда кўрдик. Бу жуда зўр футболчи", - деди нидерландиялик мутахассис.
Англия Премьер-лигасининг жорий мавсумида 24 ёшли ярим ҳимоячи 24 учрашувда майдонга тушиб, битта голли узатмани амалга оширди.
Бугун, 7 апрел куни "қизил иблислар" Англия чемпионатининг 32-тури доирасида "Ливерпул"га қарши ўйин ўтказади.