Германиянинг "Лейпциг" клуби ҳужумчиси Беньямин Шешко трансфер бозорида харидоргир. Инсайдер Руди Галеттининг хабар беришича, ҳужумчи Европанинг бир қанча клублари қизиқиш доирасига тушиб қолган.
Лондоннинг “Арсенал” ва “Челси” клублари Шешкони ўз сафига қўшиб олмоқчи. Футболчига Италия чемпионатида ҳам талаб бор. "Наполи" ҳужумчи трансферини расмийлаштирмоқчи. Беньямин трансфери учун товон пули 50 миллион еврони ташкил қилади.
Бундеслиганинг жорий мавсумида 20 ёшли словениялик "буқалар" сафида 25 та ўйин ўтказди. Шешко саккизта гол урди ва иккита голли узатмани амалга оширди.
