"Ривер Плейт"нинг ҳужумкор ярим ҳимоячиси Франко Мастантуоно "Реал Мадрид"нинг қизиқишлари доирасига тушиб қолди. Бу инсайдер Фабрицио Романо маълум қилди.
Манбага кўра, "Лос Бланкос" ўз ватанида "янги Месси" деб аталадиган 16 ёшли аргентиналикни кузатиш учун бир неча бор скаутларни юборган. Яқин кунларда "Реал Мадрид" вакиллари яна Мастантуоно ўйинларида иштирок этишади.
Аргентиналик ёш иқтидорни "Лос Бланкос"дан ташқари "Челси" ва "ПСЖ" ҳам кузатиб бормоқда. "Ривер Плейт" билан шартнома муддатидан олдин бекор қилинган тақдирда товон пули 45 миллион еврони ташкил қилади. Томонлар ўртасидаги амалдаги келишув 2026 йилнинг декабрь ойи охирида тугайди.
