Биз ўтмишдаги қизиқарли воқеаларни эслашда давом этамиз. Бундан роппа-роса 20 йил аввал, 2004 йилнинг 7 апрель куни Чемпионлар лигаси 1/4 финалининг жавоб ўйини "Депортиво" ва "Милан" ўртасида бўлиб ўтганди.
Дастлабки ўйинда "россонерилар" ўз майдонида рақибларини 4:1 ҳисобида мағлуб этишганди ва Карло Анчелотти шогирдларининг якуний муваффақиятига озчилик шубҳа уйғотди. Аммо "Депортиво" ўша пайтда қитъанинг асосий клуб кубогининг амалдаги эгаларини ларзага келтира олганди.
Биринчи бўлимда "Депортиво" дуэлда умумий ҳисобни тенглаштирди ва ҳатто меҳмондаги гол қоидасига кўра олдинга чиқиб олди. Голларга Вальтер Пандиани, Хуан Валерон ва Альберт Луке муаллифлик қилишди. Фран Гонсалес эса 76-дақиқада якуний нуқтани қўйди - 4:0. Якунда "Милан" мағлуб бўлди. "Депортиво" ярим финалда Жозе Моуриньо бошчилигидаги "Порту"га (0:0, 0:1) имкониятни бой берганди. Ўша мавсумда айнан португаллар Чемпионлар лигасида ғолиб чиққанди - "Монако"га қарши финалда 3:0 ҳисобида ғалаба қозонганди.
