Мадриднинг “Реал” клуби марказий ҳимоячиси Антонио Рюдигер ўз клубининг ҳолати ҳақида гапирди.
Немис футболчиси 2022 йилнинг ёзида "Челси"дан эркин агент сифатида "Лос-Бланкос" сафига қўшилганди. Илгари марказий ҳимоячи “Рома” ва “Штутгарт”да ўйнаган, шунингдек, Дортмунднинг “Боруссия” клуби ёшлар академиясида таҳсил олган.
"Реал"га қўшилишдан олдин мен катта клубларда ўйнаганман, лекин уларни ҳурмат қилсам ҳам, уларни Чемпионлар лигасида 14 марта ғалаба қозонган "Реал" билан солиштириб бўлмайди. Бу ерда мақсад ҳар доим Чемпионлар лигасида ғалаба қозониш, бу ҳақда яна бир бор эслатиб ўтишнинг ҳожати йўқ”, - дея Рюдигер сўзларини келтирмоқда Madrid Xtra.