"Ювентус" бош мураббийи Массимилиано Аллегри "Фиорентина" устидан қозонилган ғалаба ҳақида (1:0) фикр билдирди.
"Биринчи бўлимни яхши ўтказдик. Биз гол урдик ва яна бир голимиз бекор қилинди. Ҳа, ўйин охирида жавоб голини ўтказиб юбориш хавфи бор эди, хатолар бўлди, лекин йигитларни ҳеч нарсада айблай олмайман. Биз чемпионатни яхши ўтказяпмиз. Охирги икки ой ичида таназзулга юз тутганимиз ачинарли, аммо биз яна уч очкони қўлга киритдик ва яна гол ўтказиб юбормадик. Биз худди шундай руҳда давом этишимиз керак", - дея Аллегри сўзларини келтиради Juvenews.eu.
