"Yuventus" bosh murabbiyi Massimiliano Allegri "Fiorentina" ustidan qozonilgan g‘alaba haqida (1:0) fikr bildirdi.
"Birinchi bo‘limni yaxshi o‘tkazdik. Biz gol urdik va yana bir golimiz bekor qilindi. Ha, o‘yin oxirida javob golini o‘tkazib yuborish xavfi bor edi, xatolar bo‘ldi, lekin yigitlarni hech narsada ayblay olmayman. Biz chempionatni yaxshi o‘tkazyapmiz. Oxirgi ikki oy ichida tanazzulga yuz tutganimiz achinarli, ammo biz yana uch ochkoni qo‘lga kiritdik va yana gol o‘tkazib yubormadik. Biz xuddi shunday ruhda davom etishimiz kerak", - deya Allegri so‘zlarini keltiradi Juvenews.eu.
