Англия Премьер-лигасининг 32-турида "Тоттенхэм" "Ноттингем Форест"ни мағлуб этди - 2:1. Ўйин бўйича "шпорлар" ҳужумчиси Тимо Вернер ўз фикрини билдирди.
"Жамоа муваффақияти учун қўлимдан келган барча ишни қиламан. Мен прессинг ва пасларим билан ёрдам беришни яхши кўраман. Бу сафар учрашувни яхши бошлашга муваффақ бўлдик, ўйинни назорат қилдик. Рақибда ўз имкониятлари бўлган бўлса-да, менимча, биз ғалабага лойиқ эдик", - дея Вернернинг сўзларини келтиради BBC Sport.
Бу ғалабадан кейин “Тоттенхэм” турнир жадвалида тўртинчи ўринга кўтарилиб олди.
