"Ривер Плейт" ярим ҳимоячиси Франко Мастантуоно ёзда Европага кўчиб ўтиши мумкин. Sport.es хабарига кўра, аргентиналик ярим ҳимоячи хизматларига "Реал", "Барселона", "Манчестер Сити" ва "Челси" қизиқиш билдирмоқда.
Маълумотларга кўра, "Барселона" Мастантуононинг трансфери бўйича аниқ стратегияга эга. "Блауграна" ярим ҳимоячига мураббийлар штаби ишончини ва жамоада 10-рақамдаги муҳим ролни ваъда қилмоқчи.
Мастантуононинг "Ривер Плейт" билан шартномасида товон пули 45 миллион евро қилиб белгиланган. Бу омил "Барселона"га трансферни амалга оширишга халақит бериши мумкин.
