"Реал Мадрид"га тегишли бўлган "Палмейрас"нинг ёш ҳужумчиси Эндрик яқин орада Испанияга ўтиши ҳақида гапирди.
"Очиғини айтаман, терма жамоада бўлганимда ҳамма мендан "Реал"га қачон келишимни сўрашади. Кетишимни биламан, содда эмасман, лекин ҳозир бор эътиборимни бутунлай ўзимда бор нарсага қаратганман. Мен ҳаётда амин бўлган ягона нарса - ўлим келади, аммо қолганлар эмас. Эртага тирик қолишимни билмайман, шунинг учун фақат бугун ҳақида ўйлайман", - деди Эндрик Mundo Deportivo билан суҳбатда.
Эслатиб ўтамиз, айни дамда 17 ёшли футболчи Бразилиянинг "Палмейрас" клуби футболчиси, аммо бу ёзда у "Реал Мадрид"га ўтади.
Жорий мавсумда Эндрик Бразилия терма жамоаси сафида барча турнирларда тўққизта ўйинда қатнашиб, иккита гол ва бир голли узатмани амалга оширди.
Transfermarkt портали ҳужумчининг бозор нархини 55 миллион еврога баҳоламоқда.
