2019 йилда ҳужумчи Родриго "Сантос"дан "Реал"га ўтди. Икки йил аввал ёш футболчи "Ливерпуль" тизимига тушиб қолиши мумкин эди. Бразилиялик футболчи бу борада фикр билдирди.
"Биз келишувга эришмадик, чунки мен хоҳламадим. Мен "Сантос"да қолишни хоҳладим, гарчи таклиф жуда яхши бўлса-да. Улар менга фаолиятим учун фойдали бўладиган йўлни ваъда қилишди. Англияда ўқишимни тугатиб, Европа футболига тайёргарлик кўришим мумкин эди. Мен доим Европада ўйнашни орзу қилардим. Лекин мен "Сантос"да қолиб, клуб тарихига ўз ҳиссамни қўшишни хоҳладим. Бу шундай бўлди - мен орзумни амалга оширдим ва асосий жамоада ўйнадим. Лекин бу рост, мен "Ливерпул"га кетишга оз қолганди", - деди Родриго Goal билан суҳбатда.
