Турли манбалар Массимилиано Аллегрининг "Ювентус"ни тарк этиши ҳақида хабар беришда давом этмоқда.
Журналист Руди Галетти мутахассис ёзда Турин клубини албатта тарк этиши ҳақида маълумотга эга.
"Макс Аллегрининг келажаги "Фиорентина" устидан қозонилган ғалабадан кейин ҳам ўзгармади: у июнда "Ювентус"ни тарк этади", - деб ёзади Галетти ижтимоий тармоқларда.
Қайд этилишича, Аллегри "кекса синьора"га Чемпионлар лигаси йўлланмасини қўлга киритиш ва клубни тарк этишдан олдин Италия кубогини қўлга киритишга умид қилмоқда.
"Ювентус" айни дамда А Серия турнир жадвалида учинчи ўринда бормоқда.
