Ҳужумчи Мемфис Депай бўлажак ўйинларда "Атлетико"га ёрдам бермайди. Душанба куни 30 ёшли футболчига чап оёғидаги мушак жароҳати ташхиси қўйилган.
Депайнинг тикланиши учун уч-тўрт ҳафта керак бўлади. Шу тариқа Депай Чемпионлар лигаси чорак финалида Дортмунднинг "Боруссия" жамоасига қарши ҳар иккала ўйинни ҳам ўтказиб юборади.
2023/2024 йилги мавсумда Мемфис Депай турли мусобақаларда 28 та ўйин ўтказди. Уларда нидерландиялик футболчи 9 та гол урди ва шериклари учун иккита голли узатмани амалга оширди.
Эслатиб ўтамиз, "Атлетико" – "Боруссия" ўртасидаги Чемпионлар лигасининг илк учрашуви 10 апрель куни Мадридда бўлиб ўтади.
