Марко Асенсио "ПСЖ" Чемпионлар лигасида ғалаба қозонишни исташини айтди.
10 апрель куни парижликлар турнирнинг чорак финал учрашувида “Барселона”га қарши майдонга тушишади.
Марко Асенсиодан "ПСЖ" агар "Барселона"ни мағлуб этса, "Реал"га яхшилик қилган бўладими, деб сўрашди.
“Биз олдинга боришни хоҳлаймиз. Биз жуда ҳаяжондамиз ва ўйинга ҳозирданоқ тайёргарлик кўряпмиз.
Биринчи ўйинни ўз уйимизда ўтказамиз, бизни жуда кучли қўллаб-қувватлаётган мухлисларимиз олдида яхши натижага эришиш жуда муҳим. Бу биз учун асосий омил.
Биз жуда ҳаяжондамиз. Унвонлар қўлга киритиладиган лаҳзалар яқинлашмоқда. Биз аллақачон Франция кубоги финалидамиз ва Чемпионлар лигасида ҳам ғалаба қозонишни истаймиз”, - дейди “ПСЖ” вакили Марко Асенсио.
