Италия чемпионати 31-турининг сўнгги учрашувида Миланнинг “Интер” жамоаси “Удинезе” устидан иродали ғалабага эришиб, чемпионат жадвалидаги пешқадамлигини мустаҳкамлади.
Ўйиндан сўнг жамоа бош мураббийи Симоне Индзаги ўз фикрларини билдирди:
"Ажойиб ўйин ўтказган рақибни ҳурмат қилишим керак. Улар хафа бўлишлари керак эмас. Ўйлайманки, улар шундай ўйнашда давом этишса, чемпионатда қолишади. Лекин йигитларимга ҳам мақтовлар. Бу "Интер" мени илҳомлантиради", - дея Индзаги сўзларини келтиради fcinter1908.it.
31-турдан кейин “Интер” ҳисобида 82 очко бор. Жамоа кейинги турда “Кальяри”га қарши баҳс олиб боради.
