Италия чемпионати 31-турининг сўнгги учрашувида Миланнинг “Интер” жамоаси “Удинезе” устидан иродали ғалабага эришиб, чемпионат жадвалидаги пешқадамлигини мустаҳкамлади. Жамоанинг голларидан бирини туркиялик ярим ҳимоячи Хоқон Чалханўғли пенальтини муваффақиятли амалга ошириб, киритди. Ўйиндан сўнг у узоқ вақтдан бери биринчи марта зарба бериш пайтида босимни ҳис қилганини тан олди.

"Узоқ вақтдан бери биринчи марта пенальти тепиш пайтида босим сездим. Мен ерлатиб зарба беришга қарор қилдим, чунки “Удинезе” дарвозабонининг бўйи жуда баланд”, - дея туркиялик футболчининг сўзларини келтиради fcinter1908.it.

А Сериянинг 31-туридан кейин “Интер” ҳисобида 82 очко бор.